Nýr bæjarstjóri á Akureyri kynntur til leiks á næstu dögum

Oddur Helgi Halldórsson, formaður bæjarráðs Akureyrar, vonast til að þess að hægt verði að tilkynna um ráðningu nýs bæjarstjóra á Akureyri fyrir næstu helgi.

L-listinn fékk hreinan meirihluta í kosningunum í lok maí en eitt af stefnumálum flokksins var að ráða bæjarstjórann faglega. Alls sóttu 53 um stöðuna þegar hún var auglýst. Capacent aðstoðar bæjarstjórn Akureyrar í ráðningarferlinu.

„Þetta hefur gengið mjög vel en ferlið hefur tekið lengri tími en hélt. Ég geri ráð fyrir að á þriðjudagsmorgun fái við þá í viðtal sem okkur lýst helst á. Vonandi verðum við fljót að ákveða okkur því ég er að vona að þessu verði lokið fyrir næstu helgi," segir Oddur.

Meirihluti L-listans hefur haft samráð við minnihlutaflokkanna í ráðningarferlinu, að sögn Odds. „Það er búið að vara mjög spennandi að taka þátt í þessari vinnu því meðal umsækjenda eru afar hæfir einstaklingar," segir Oddur.

Sigrún Elsa Smáradóttir, fyrrverandi borgarfulltrúi, Gísli Tryggvason, talsmaður neytenda, Eiríkur Björn Björgvinsson, fyrrverandi bæjarstjóri, Páll Magnússon bæjarritari í Kópavogi, Ragnar Jörundsson, fyrrverandi bæjarstjóri og Ólafur Örn Ólafsson, fyrrverandi bæjarstjóri, voru meðal þeirra sem sóttu um stöðuna.