Jón Gnarr átti trúnaðarfund með Hönnu Birnu

Jón Gnarr átti fund með Hönnu Birnu Kristjánsdóttur, fráfarandi borgarstjóra, í vikunni. Þar var henni boðið, samkvæmt heimildum Vísis, að taka sæti forseta í nýrri borgarstjórn.

Þegar tilboðið var borið undir Jón Gnarr sagðist hann ekki geta tjáð sig um það í ljósi þess að fundurinn sem hann átti með Hönnu Birnu hafi verið í trúnaði.

Hann segir verkaskiptingu innan borgarstjórnar verða tilkynnta á þriðjudaginn næsta með pompi og prakt. Þá verður haldin borgarstjórnarfundur.

Hanna Birna hefur ekki þekkst boðið samkvæmt heimildum Vísis.