Segir Eið Smára víst hafa átt í ástarsambandi við Vanessu

Leigusali Vanessu Perconell, sem er sökuð um að hafa sængað hjá rúmlega hálfu fótboltaliði Chelsea, segir í viðtali við The Sun í dag að hún hefði margsinnis séð Eið Smára heima hjá Vanessu árið 2003. Bæði Eiður Smári og Vanessa hafa þvertekið fyrir að hafa átt í ástarsambandi.

Ekki fór á milli mála að sögn leigusalans, sem heitir Linda Wardley, hvað þau voru að gera.

Af hljóðunum að dæma lætur Linda hafa það eftir sér í The Sun að Eiður hafi virst heldur orkumikill. Svo á hann að hafa læðst út klukkan fimm á morgnanna.

Vanessa, sem er frönsk undirfatafyrirsæta, komst fyrst í fréttirnar í Bretlandi fyrir nokkrum dögum þegar í ljós kom að hún hafði sofið hjá John Terry, liðsmanni Chelsea og fyrirliða breska landsliðsins. Á sama tíma var hún á föstu með liðsfélaga Terrys í Chelsea, Wayne Bridge.

Málið náði svo nýjum hæðum þegar í ljós kom að Vanessa hefði orðið ólétt eftir John og hann borgaði fyrir fóstureyðingu hennar.

Það var svo í gær sem The Sun greindi frá því að Eiður hefði einnig sofið hjá Vanessu auk annarra liðsmanna og fyrrum liðsmanna Chelsea. Sjálfur neitaði Eiður ásökununum í blaðinu í gær.

Nú hefur Linda stigið fram, auk þess að vera leigusali Vanessu þá átti hún í talsverðum samskiptum við hana.

Hún fullyrðir að Vanessa hafi sagt við sig að Eiður hefði lofað að yfirgefa konu sína og þrjú börn fyrir Vanessu. Hann hafi aftur á móti óttast að missa börnin sín í kjölfarið að sögn Lindu.

Linda gefur svo Vanessu heldur lága einkun fyrir framkomu sína gagnvart karlkyninu. Meðal annars sakar hún Vanessu um að hafa notað Wayne miskunnarlaust til þess eins og að viðhalda glæsilegum lífstíl sem henni sjálfri þótti sæma sér.

Að sögn Lindu var það eina takmark Vanessu að finna sér stæltan og ríkan fótboltamann sem gæti haldið henni uppi.

Hægt er að lesa greinina í heild sinni hér.