Tuttugu létust í bílasprengjum í Írak

Að minnsta kosti tuttugu féllu þegar að tvær bílasprengjur sprungu í nágrenni við Karbala í Írak í dag. Árásirnar voru gerðar á þjóðvegi sem liggur til borgarinnar Najaf en margir sjíta pílagrímar fara leiðina. Auk þeirra sem létust særðust tugir manna.

Írakar hafa verið án ríkisstjórnar frá því í mars en það er BBC sem greinir frá árásunum. Þar kemur fram að það sé tómarúm í landinu sem uppreisnarmenn úr röðum súnníta reyna að nýta sér og og sitja um sjíta pílagríma. Bandaríkjastjórn er sögð ætla að kalla fimmtíu þúsund manna herlið sitt frá landinu í ágúst. Það er tveimur árum á undan áætlun.

Þá létust fjórir í Bagdad í dag þegar að maður sprengdi sig í loft upp í höfuðstöðvum arabísku stöðvarinnar al-Arabiya.