Hættulegar púslmottur innkallaðar

Hagkaup innkallar hér með vegna galla púslmottur úr frauðplasti fyrir 3ja ára og yngri. Um er að ræða púslmottu með Disney Princess ( Mat No 22373) sem er skrikamerkt nr. 6 8755422373 6.

Ástæða innköllunarinnar er að Neytendastofu hefur borist tilkynning frá Rapex tilkynningakerfi ESB um að Disney púslmottan innihaldi efni sem eru hættuleg heilsu barna.

Nauðsynlegt er að taka þessar púslmottur strax úr umferð og skila þeim strax til þjónustuborðs í næstu verslun Hagkaups gegn fullri endurgreiðslu eða farga þeim með öruggum hætti.