Mun City bjóða 100 milljónir punda í Torres?

Stjórnarformenn City eru yfir sig ánægðir með nýja þjálfarann, Roberto Mancini og eru tilbúnir að borga 100 milljónir punda fyrir framherja Liverpool, Fernando Torres til að tryggja að liðið verði í toppbaráttunni.

Ef samningar nást við Spánverjann knáa þá verður hann fyrsti leikmaður úrvaldsdeildarinnar til að hafa 200 þúsund pund í vikulaun.

Liverpool-liðinu hefur gengið brösulega í vetur og ef þeir ná ekki meistaradeildarsæti þá er líklegt að Torres sé tilbúinn að færa sig um set.

Fernando Torres hefur verið allt í öllu á Anfield síðan að hann kom til liðsins árið 2007, skorað 50 mörk í 63 byrjunarliðsleikjum.