Héraðssaksóknarar frestast enn vegna sparnaðar

Það frestast enn um sinn að setja á fót embætti héraðssaksóknara vegna sparnaðaraðgerða dómsmálaráðuneytisins. Því hafði áður verið frestað til 1. janúar síðastliðins.

Í frumvarpi dómsmálaráðherra sem, sem hefur verið samþykkt á Alþingi, er lagt til að ákvæði laga um meðferð sakamála um embætti héraðssaksóknara komi ekki til framkvæmda fyrr en 1. janúar 2012. Fyrir þann tíma skuli dómsmálaráðherra auglýsa laus til umsóknar embætti héraðssaksóknara, varahéraðssaksóknara og saksóknara embættisins og skipa í þau, svo og hefja undirbúning að því að embættisskrifstofan taki til starfa.