Hungur og vonleysi

Hungur og vonleysi bíður fjölskyldna sem hafa þurft að reiða sig á matargjafir en hjálparsamtök sem gefa slíkar gjafir eru komin í sumarfrí. Þetta segir öryrki sem nær ekki endum saman á bótunum sem hún fær frá hinu opinbera.

Margir Íslendingar sem reiða sig á matargjafir frá Fjölskylduhjálp Íslands og Mæðrastyrksnefnd en þar er lokað í sumar. Guðrún Stella Gunnarsdóttir er ein þeirra sem hefur oft þurft að að bíða í röð eftir mat. Hún er einstæð þriggja barna móðir, óvinnufær vegna gigtveiki sem hefur hrjáð hana frá unglingsaldri. „Ég veit ekki hvað á að gera. Við getum ekki leitað neitt."

Hún segir matarbiðröðina hjá Mæðrastyrksnefnd og Fjölskylduhjálpinni síðasta hálmstráið fyrir margar fjölskyldar. „Já, það er eiginlega endapunkturinn á öllu."

Mataraðstoðin sem þarna er veitt er hugsuð sem algjört neyðarúrræði sem á ekki að vera hluti af grunnþjónustunni sem hið opinbera veitir. Raunveruleikinn er hins vegar sá að þær eru margar fjölskyldurnar sem verða án matar nú þegar hjálparsamtök fara í frí.

„Maður fer í heimsókn til fjölskyldunnar og fær kannski að borða þar. Ef börnin eru ekki heima þá borða ég ekki. Ég veit stundum ekki hvernig ég fer af þessu."