Einnig grunur um salmonellusmit hjá Ísfugli

Grunur er um salmonellusmit í ferskum kjúklingum framleiddum af Ísfugli.

Frekari rannsókna er þörf til að staðfesta gruninn. Dreifing á vörunni hefur verið stöðvuð. Fyrr í dag barst samskonar tilkynning frá Matfugli.

Ísfugl ehf. hefur samkvæmt innra eftirliti sínu innkallað umræddar vörur með rekjanleikanúmerinu ( Rlnr.) 104-10-09-1-08 dagsetta 9.4. Aðrar dagsetningar eru í lagi, að fram kemur í tilkynningu frá Ísfugli.

Ef fólk hefur ferska kjúklinga undir höndum er það beðið að skoða rekjanleikanúmerið á umbúðunum og skila vörunni í viðkomandi verslun eða beint til Ísfugls ehf. Reykjavegi 36, Mosfellsbæ

Í tilkynningunni eru ítrekaðar leiðbeiningar um eldum á kjúklingum sem fela í sér að alltaf skal gæta þess að blóðvökvi komist ekki í aðra matvöru, hreinsa vel áhöld og gæta þess að steikja eða elda kjötið í gegn.