Hjálpa fólki við að fylla út skattaskýrsluna

Laganemar í HR ætla að taka á móti fólki í Nauthólsvík á laugardag sem vill aðstoð við að fylla út skattaframtalið. Margrét Rán Kærnested, framkvæmdastjóri lögfræðiþjónustu Lögréttu, segir að verkefnið sé unnið í samstarfi við Deloitte.

Við höfum verið með þetta í nokkuð ár," segir Margrét. Hún segir að upphaflega hafi þetta verið ætlað útlendingum enda séu tungumálaörðugleikar og fleira sem hamli þeim. Í fyrra hafi hins vegar verið ákveðið að taka á móti öllum sem óskuðu þess, bæði Íslendingum og útlendingum og það hafi verið mjög mikil ásókn. „Þannig að við teljum að það sé þörf fyrir þetta," segir Margrét.

Margrét segir að fólki sé velkomið að líta við í Nauthólsvíkinni á milli klukkan níu og sex á laugardaginn. Fólk þurfi að hafa með sér launamiða síðasta árs, lykilorð og auðkennislykill til að komast inn á heimabanka, auk veflykils inn á rsk.is. Þá þurfi fólk að hafa með sér gögn ef kaup eða sala á fasteignum hefur átt sér stað á síðasta ári. Jafnframt þurfi að fylgja gögn um kaup eða sölu á verðbréfum