David Moyes: Snilldar frammistaða

„Það er alls ekki auðvelt að leggja Manchester United," sagði David Moeys, stjóri Everton, eftir að hans menn lögðu Englandsmeistarana óvænt 3-1.

„Þetta var snilldar frammistaða. Það er alltaf verið að minna okkur á hversu illa okkur hefur gengið með stóru liðin fjögur. Á stuttum tíma höfum við hinsvegar náð að vinna bæði Chelsea og Manchester United," sagði Moyes.

„Það var lykilatriði að ná jöfnunarmarkinu svo snemma eftir að þeir komust eftir. Varamennirnir gerðu mikið, þetta er hluti af því að vera í liði. Menn verða að vera tilbúnir að grípa tækifærið þegar það gefst."

Skyndilega er Everton komið í möguleika á Evrópusæti. „Við getum nú farið að horfa upp en ekki niður. Við höfum aldrei gefið Evrópusæti upp á bátinn. Við höldum áfram að berjast og sjáum hvar við endum," sagði Moyes.