Aukin viðbúnaður vegna nýju sprungunnar

Aukin mönnun er í Samhæfingarstöð vegna óvissunnar á Fimmvörðuhálsi en þar opnaðist ný sprunga um klukkan sjö. Í samhæfingarmiðstöðinni eru nú um 12 manns að störfum.

Í tilkynningu segir að lögregla sé stödd í Þórsmörk og búið er að upplýsa alla skálaverði þar um stöðu mála.

„Núna er unnið að rýmingu á hættusvæði við gosstöðvar og búið að ákveða að snúa gangandi umferð úr Þórsmörk aftur til baka ofan í Þórsmörk. Upplýsingar frá þyrlum á svæðinu benda til að sprungan sé að lengjast til norðurs."

Þá segir að náðst hafi samband við göngufólk á Morinsheiði og hefur það fengið beiðni um að upplýsa göngufólk á heiðinni og biðja það að halda til baka.

Aðgerðastjórn á Hellu hefur verið boðuð til starfa.