Réttað yfir meintum peningabjargvætti Landsbankans

Aðalmeðferð er hafin í sakamáli gegn Hauki Þór Haraldssyni, fyrrverandi framkvæmdarstjóri Landsbankans, en hann hefur verið ákærður fyrir að draga að sér hátt í 120 milljónir.

Sjálfur neitaði Haukur Þór sök við þingfestingu málsins en hann heldur því fram að hann hafi verið að færa féð í skjól fyrir bankann; í raun hafi hann verið að bjarga peningunum. Meintur fjárdráttur átti sér stað stuttu eftir hrun í október 2008.

Málið komst upp þegar skilanefnd Landsbankans fékk endurskoðunarfyrirtæki til að keyra saman háar fjárhæðir og kennitölur starfsmanna bankans. Haukur var stjórnarformaður og prókúruhafi í aflandsfélaginu NBI Holding Ltd sem átti reikninginn.

Peningarnir höfðu legið óhreyfðir í nokkur ár. Félagið er í eigu sjóðs á Guernsey sem er skattaskjól. Sjóðurinn er sjálfstæður en var á vegum Landsbankans.

Sjálfur hefur Haukur gert launakröfu í þrotabú bankans. Hún er tuttugu milljónum hærri en féð sem honum er gefið að sök að hafa dregið að sér, eða 140 milljónir.