Ríkissaksóknari kærir meiðyrði gegn SS

Ríkissaksóknari hefur ákært fyrrverandi starfsmann Sláturfélags Suðurlands (SS) fyrir meiðyrði og rógsherferð gegn SS og verður málið tekið fyrir á næsta miðvikudag í Héraðsdómi Reykjavíkur.

Forstjóri Sláturfélags Suðurlands kærði rógsherferðina sem birtist á heimasíðu sem var vistuð erlendis.

Um er að ræða nafnlausa bloggsíðu sem maðurinn á að hafa haldið úti en hann er sakaður um að hafa stundað þar ærumeiðandi móðganir og aðdróttanir meðal annars í garð Steinþórs Skúlasonar, forstjóra SS.

Samkvæmt tilkynningu sem Steinþór sendi frá sér um málið heitir maðurinn Oddur E. Friðriksson sem á að hafa haldið úti síðunni.

Þá segir ennfremur í tilkynningunni að nafnlausir aðilar hafi vegið að SS og stjórnendum þess úr launsátri undir því yfirskini að þeir væru starfsmenn félagsins, en fljótlega hafi komið í ljós að svo var ekki.

Síðan var stofnuð í febrúar árið 2008.