Guðni á Klörubar: Vill öldungadeild á Alþingi

Guðni Ágústsson, fyrrverandi formaður Framsóknarflokksins, leggur til ad stofnuð verdi sérstök öldungadeild fyrrverandi alþingismanna. Þetta kom fram í ræðu sem Guðni hélt á Klörubar á Gran Canaria í morgun.

Guðni sagðist hafa rætt þessa hugmynd við Pálma Jónsson frá Akri, fyrrverandi alþingismann Sjálfstæðisflokksins og landbúnaðarráðherra. Reynsla fyrrverandi stjórnmálamanna væri mikil og rétt væri að nýta hana. Benti Guðni á að fyrrverandi stjórnmálamenn væru hvort eð er sífellt að blanda sér í umræðuna. Nefndi hann sem dæmi Jón Baldvin Hannilbalsson, Þorstein Pálsson og Davíð Oddsson og sjálfan sig, sem væru oft "að rífa kjaft."

Í tillögu Guðna um öldungadeildina felst að fyrrverandi alþingismenn komi saman í sal Alþingis tvo föstudaga í mánuði á meðan Alþingi sjálft situr, utan að fundað verði einu sinni í mánuði yfir háveturinn. Sagði hann öldungadeildina mundu geta sent frá sér ályktanir.

Þá sagðist Guðni telja að alls ekki ætti ad setjast að samningaborðinu að nýju med Bretum og Hollendingum vegna Icesave-málsins. Hann sagði "þrjóskuna" þegar hafa skilað miklum árangri og ekki ætti ad láta undan síga. Hann hrósaði sérstaklega Ólafi Ragnari Grímssyni , forseta Íslands, fyrir að hafa synjað Icesave-lögunum staðfestingar.

Helvítis Bretarnir eru yndileg þjóð

Guðni kvartaði undan "helvítist Bretunum" sem heimtuðu að fá "monný, monný" þegar hann hitti þá á Kanarí á kvöldin. Enginn ætti hins vegar slíka kröfu á viðstadda fundarmenn því um væri ad ræða skuldbindingar sem Íslendingar bæru ekki ábyrgð á sem einstaklingar.

Síðar í ræðu sinni kalladi Guðni Breta "yndislega sem þjóð" og að betur væri að Íslendingar ættu leiðtoga á borð við Winston Churchill.

Þrátt fyrir allt sagði Guðni bjart framundan hjá Íslendingum sem ættu miklar auðlindir og ræddi flokksformaðurinn fyrrverandi um "undrin níu" í því sambandi. Meðal þess sem Guðni nefndi var virkjun árósa þar sem ferskvatn mætir saltvatni sjávar. gar@frettabladid.is