Dæmdir fyrir að stela og eyðileggja bíl

Karlmaður var dæmdur í morgun í mánaðarlangt fangelsi skilorðsbundið til þriggja ára í Héraðsdómi Suðurlands fyrir eignarspjöll og þjófnað. Þá var annar maður einnig einnig dæmdur fyrir eignaspjöll og játaði hann skýlaust. Hann var dæmdur til þess að greiða 40 þúsund krónur í sekt.

Mennirnir stálu og eyðilögðu bifreið í júlí á síðasta ári.

Sá sem hlaut mánaðarfangelsið er átján ára gamall. Hann hefur tekið líf sitt fastari tökum. Samkvæmt dómsorði er hann undir eftirliti og með persónulega ráðgjöf frá Félagsþjónustu Seltjarnarness. Þá er hann þar með tilsjónarmann sem meðal annars styður hann í daglegu lífi. Hefur hann fengið greiningu um ofvirkni, athyglisbrest og hvatvísi og er 75 prósent öryrki.