Innlent

Langreyðarkjötið verður eftir í Rotterdam

Jón Hákon Halldórsson skrifar
Hafnarlögreglan í Rotterdam hefur ákveðið að langreyðarkjöt sem var í skipinu NYK ORION fari ekki frá borginni. Eigendur skipsins hafa ákveðið að taka kjötið úr skipinu. Fimmtán félagar úr Greenpeace hreyfingunni hlekkjuðu sig við skipið í morgun til að hefta för þess, en skipið var á leið frá Íslandi til Japan.

„Í dag tókst Greenpeace að hindra það að sending af hvalkjöti kæmist á leiðarenda. Slíkar aðgerðir ættu héðan í frá að vera ónauðsynlegar," segir Pavel Klinckhamers, einn af liðsmönnum Greenpeace. Hann segir að hollensk yfirvöld verði að tryggja að hvalkjöt komi ekki aftur í hollenska höfn.

Í tilkynningu frá Greenpeace segir að sjö félagar úr hreyfingunni hafi verið handteknir í aðgerðunum í morgun en gert sé ráð fyrir að þeim verði sleppt.




Tengdar fréttir

Grænfriðungar hlekkja sig við skip á leið frá Íslandi

Grænfriðungar reyndu í nótt að stöðva skipið NYK Orion í höfninni í Rotterdam í Hollandi. Þeir hlekkuðu sig meðal annars við skipið, sem var á leiðinni frá Íslandi til Japan, til þess að hefta för þess. Grænfriðungarnir segja, í yfirlýsingu sem þeir birtu á vefsíðu sinni, að um borð í skipinu væru sjö gámar með kjöti af þrettán hvölum.

Mest lesið


Fleiri fréttir

Sjá meira


×

Mest lesið