Fjórir karlmenn úrskurðaðir í 10 daga gæsluvarðhald

Fjórir karlmenn á þrítugsaldri hafa verið úrskurðaðir í 10 daga gæsluvarðhald vegna skotárásar í Fossvogi í gærmorgun. Farið var fram á gæsluvarðhald yfir fimm mönnum, en dómari féllst ekki á gæsluvarðhald yfir einum þeirra.

Upphaflega voru sex menn handteknir vegna málsins, og hafa fimm þeirra verið í haldi lögreglunnar frá því á hádegi í gær. Krafist var gæsluvarðhalds yfir þeim í dag en, eins og fyrr segir, féllst dómari bara á gæsluvarðhald yfir fjórum þeirra.

Yfirheyrslur yfir mönnunum stóðu yfir fram á kvöld í gær og var þeim haldið áfram í morgun.