Barnið hlaut 1. stigs brunasár á stóru svæði

Barn á öðru ári brenndist talsvert þegar það fékk yfir sig stíflueyði með ætandi efnum, í heimahúsi á Selfossi í gær. Það var þegar flutt á sjúkrahúsið á Selfossi þar sem því var veitt fyrsta hjálp, og síðan með sjúkrabíl á Barnaspítala Hringsins, þar sem það liggur enn. Samkvæmt heimildum Fréttastofunnar er bruninn á nokkuð stóru svæði og á fleiri en einum stað, en mun þó hvergi vera meiri en fyrsta stigs.

Þetta atvikaðist með þeim hætti að þegar móðir barnsins tók það upp, náði það að fella óopnaðan brúsa með efninu ofan úr hillu, án þess að móðirin tæki efitr því. Við það viðrist tappinn hafa brotnað og þegar barnið var aftur komið niður á gólf, fór það að fást við brúsann, sem lak. Þegar móðriin tók barnið aftur upp, án þess að hafa tekið eftir brúsanum, fór hana að svíða af eyðinum af barninu,og áttaði sig þá, hvers kyns var og kallaði eftir hjálp.

Að sögn lögreglu var efnið í viðurkenndum umbúðum undir slík efni, og er nú verið að rannsaka hvernig þetta gat gerst.