Risaráðstefna 2013

Tvö þúsund manna ráðstefna tannréttingasérfræðinga verður í tónlistarhúsinu Hörpu á árinu 2013. Þetta kom fram á kynningarfundi aðstandenda Ráðstefnuskrifstofu Íslands og Portusar, sem haldinn var í gær til að blása „til stórsóknar í þágu ráðstefnuhússins á alþjóðlegum ráðstefnumarkaði“.

Kemur fram í fréttatilkynningu að merki séu um vaxandi áhuga á ráðstefnuhaldi erlendis frá. „Verkefnastjóri Ráðstefnuskrifstofunnar er þess fullviss að markaðurinn taki fljótt við sér og áður en langt um líði verði árlega að minnsta kosti tíu 1.000 manna alþjóðlegar ráðstefnur á Íslandi,“ segir í tilkynningunni. - ga