Sigrún Björk og Eiríkur Finnur sigruðu í prófkjörum

Sigrún Björk Jakobsdóttir, fyrrverandi bæjarstjóri sigraði í prófkjöri sjálfstæðismanna á Akureyri. Ólafur Jónsson lenti í öðru sæti en Njáll Trausti Friðbertsson í því þriðja.

Sigurður Guðmundsson sem gaf kost á sér í fyrsta og annað sæti lenti hins vegar í sjötta sæti. Tæplega tvö þúsund manns voru á kjörskrá en rúmlega ellefu hundruð greiddu atkvæði eða 59%.

Þá sigraði Eiríkur Finnur Greipsson í prófkjöri sjálfstæðismanna í Ísafjarðarbæ en Gísli H. Halldórsson lenti í öðru sæti og Guðfinna M. Hreiðarsdóttir í því þriðja.

Góð þátttaka var í prófkjöri en tæplega eitt þúsund voru á kjörskrá og greiddu 820 atkvæði.