Starfshópur skipaður til þess að finna nafn á eldstöðvar

Menntamálaráðherra hefur staðfest að starfhópur á vegum þeirra þriggja opinberu aðila sem hafa með örnefni að gera samkvæmt lögum:

Landmælinga Íslands, nafnfræðisviðs Stofnunar Árna Magnússonar í íslenskum fræðum og örnefnanefndar, fari í sameiningu með ákvörðunarvald á nafngift nýrrar eldstöðvar neðan Fimmvörðuháls.

Með þessari staðfestingu hefur verið eytt óvissu um hver skuli ákveða nafn á hinu nýja kennileiti, en mikill áhugi er á nafngiftinni og starfshópnum hafa borist fjölmargar tillögur samkvæmt tilkynningu frá menntamálaráðuneytinu.

Næstu skref hópsins eru því að fara yfir tillögurnar auk þess að kynna sér þau örnefni sem þekkt eru á svæðinu, en nokkuð vandaverk kann að vera að velja nafn á eldstöð sem enn er í fullri virkni og óljóst er hvernig muni þróast.