Enn ósamið

Samningafundur flugumferðarstjóra og Flugstoða stóð í aðeins tvær klukkustundir hjá Ríkissáttasemjara í gær, án þess að viðræður þokuðust í samkomulagsátt, en aftur hefur verið boðað til fundar klukkan ellefu fyrir hádegi. Flugumferðarstjórar hafa boðað annað fjögurra klukkustunda verkfall í fyrramálið og svo annan hvern dag í heila viku.

Samtök ferðaþjónustunnar lýstu í gær miklum áhyggjum yfir deilunni og afleiðingum hennar.

Þá berast þær fregnir úr stjórnkerfinu að ýmsir séu farnir að velta fyrir sér hvort réttlætanlegt sé að beita lagasetningu til að tryggja ótruflaðar flugsamgöngur, í ljósi árferðis í þjóðfélaginu.