Innlent

Íslenskt þjófagengi handtekið á Laugaveginum

Myndatökumaður náði myndum af lögreglunni að störfum á Laugaveginum. Mynd / Sigurjón.
Myndatökumaður náði myndum af lögreglunni að störfum á Laugaveginum. Mynd / Sigurjón.

Tvær stúlkur um tvítugt og talsvert eldri karlmaður voru handtekin á Laugaveginum á þriðja tímanum í dag grunuð um stórfelldan búðarþjófnað.

Það voru verslunareigendur sem gerðu lögreglu viðvart en þá höfðu þau farið í nokkrar verslanir í miðborginni og eru grunuð um að hafa stolið vörum úr þeim.

Samkvæmt varðstjóra er um síbrotamenn að ræða. Þau eru nú vistuð á lögreglustöðinni á Hverfisgötunni og verið er að skrá meint þýfi sem þau voru með á sér.

Lögreglan gat ekki gefið nánari upplýsingar að svo stöddu.

Mest lesið


Fleiri fréttir

Sjá meira


×

Mest lesið