Össur fundaði með utanríkisráðherra Danmerkur

Össur Skarphéðinsson utanríkisráðherra átti í dag fund með Lene Espersen utanríkisráðherra Danmerkur í tengslum við utanríkisráðherrafund Norðurlandanna sem haldinn var í Kaupmannahöfn í dag.

Í tilkynningu frá utanríkisráðherra segir að á fundinum hafi ráðherra farið ítarlega yfir stöðu Icesave-málsins og mikilvægi þess að efnahagsáætlun Íslands sem unnin er í samvinnu við Alþjóðagjaldeyrissjóðinn nái fram að ganga.

Utanríkisráðuneytið segir jafnframt að Lene Espersen hafi lýst yfir ríkum skilningi á sjónarmiðum Íslands og sagt að hún vonaðist eftir samkomulagi í málinu sem fyrst.