Wikileaks: CIA skjölin birt í dag

Forsvarsmenn vefsíðunnar Wikileaks gáfu það út í gærkvöldi að þær hyggist birta leyniskjöl frá bandarísku leyniþjónustunni CIA í dag. Ekki er gefin upp nákvæm tímasetning. Skjölin eru síðari hluti af skjalasafni sem varðar aðfarir bandaríska hersins í Afganistan.

Áður höfðu tugþúsundir síðna verið birtar og brugðust Bandaríkjamenn þá ókvæða við. Um síðustu helgi gáfu sænsk yfirvöld út handtökuskipun á hendur Julian Assange forsprakka Wikileaks en hann var ákærður fyrir að hafa nauðgað tveimur konum í landinu.

Skömmu síðar var handtökuskipunin dregin til baka og sagði Assange ásakanirnar tilhæfulausar með öllu og að tilgangurinn hafi verið að reyna að sverta Wikileaks.