Alþjóðlegur baráttudagur kvenna hundrað ára í dag

Alþjóðlegur baráttudagur kvenna er hundrað ára í dag, 8. mars, og af því tilefni verða ýmsir viðburðir á dagskrá hér á landi og erlendis.

Nú rétt fyrir hádegi hófst fundur á vegum Jafnréttisstofu, Bandalags háskólamanna auk annarra stéttarfélaga á Grand hóteli undir yfirskriftinni „Frelsi til fjölskyldulífs: Samræming fjölskyldu og atvinnulífs" og stendur fundurinn til klukkan eitt.

Klukkan fimm síðdegis verður haldin ráðstefna á vegum nokkurra hagsmunasamtaka í Tjarnarsal Ráðhúss Reykjavíkur sem ber yfirskriftina „Við getum betur." Þar verða haldin fjölmörg erindi, um kynbundið ofbeldi, stöðu hælisleitenda, framtíð ófæddra barna svo eitthvað sé nefnt. Ráðstefnan stendur til hálf sjö.

Yfirlit yfir viðburði dagsins má sjá á heimasíðu Jafnréttisstofu jafnretti.is.