Innlent

Starfsmenn hafnarstjóra hentu gálganum

Valur Grettisson skrifar
Gálginn var heldur vígalegur að mati nágrannanna.
Gálginn var heldur vígalegur að mati nágrannanna.

„Við bútuðum þetta bara niður," segir Gísli Gíslason, hafnarstjóri Faxaflóahafnar, en starfsmenn hafnarinnar bútuðu niður og hentu gálga sem listamaðurinn Þórarinn Jónsson reisti á Daníelsslippi. Gálginn var hluti af listasýningunni „Slipp my mind" sem var opnuð á laugardaginn.

Það kom hinsvegar Þórarni á óvart þegar hann snéri aftur á Daníelslipp á mánudaginn því þá var gálginn horfinn.

Í ljós kom að það voru starfsmenn Faxaflóahafnar sem fjarlægðu gálgann.

Gísli Gíslason hafnarstjóri.

„Það var gefið leyfi fyrir sýninguna í ákveðinn tíma. En þegar ekki var hirt um verkin eftir að sýningartíma lauk þá var þetta fjarlægt," segir Gísli og áréttar að eins og vindar blása í dag þá hefði geta skapast hætta af gálganum.

„Almannahagsmunir voru teknir fram yfir listræna hagsmuni," segir Gísli og bendir á að það hafi verið lausir hlemmar á gálganum sem hefðu getað fokið og valdi tjóni. Þá bárust kvartanir frá nágrönnum sem bentu á að það væri óreiða á svæðinu auk þess sem sumir töldu gálgann beinlínis hættulegan.

Aðspurður hvort Gísli hefði sett í sig í samband við listamanninn áður en gálginn var bútaður í sundur segir hann að þeir hafi ekki vitað um höfund verksins þá. Spurður hvort starfsmenn Faxaflóahafnar hefðu reynt að setja sig í samband við sýningastjórann, Daníel Björnsson, svarar Gísli neitandi.


Tengdar fréttir

Gálga stolið af sprengjulistamanni

„Það virðist hafa verið tekinn í sundur og fjarlægt,“ segir listamaðurinn Þórarinn Jónsson en fjögurra metra hár gálgi sem stóð á Daníelslippi er horfinn. Gálginn var listaverk og tilheyrði sýningunni „Slipp my mind“. Sjö aðrir listamenn sýndu einnig verk sín á sýningunni. Þau verk fengu að standa í friði.

Mest lesið


Fleiri fréttir

Sjá meira


×

Mest lesið