Hvar eru ellismellirnir?

Óvíða í heiminum er gömlu fólki sýnd jafn mikil virðing og í Japan. Það er heiðrað umfram aðra og fær gjafir frá stjórnvöldum á afmælisdegi sínum. Það fær líka dádóð eftirlaun.

Borgarstjórnin í Tokyo er nú nánast í sjokki eftir að í ljós kom að tveir elstu íbúar borgarinnar eru ekki lengur þessa heims.

113 ára gömul kona er horfin sporlaust og þegar embættismenn komust loks inn í íbúðina hjá 111 ára gömlum karlmanni kom í ljós að hann lést fyrir 32 árum. Ágætlega varðveitt múmía hans lá í rúmi hans.

Yfirvöld grunar að þarna sé eitthvað gruggugt í gangi því ekknalífeyrir hans og ellilaun hafa verið samviskusamlega greidd allan þennan tíma. Og þau hafa verið tekin út úr bankanum.

Japanar verða allra manna elstir og þar eru nú skráðir yfir 40 þúsund sem eru 100 ára eða eldri.

Ætlunin er að hefja rannsókn á því hversu margir þeirra eru í raun ofan jarðar.