Ilmvatn frá Aniston

Leikkonan Jennifer Aniston sendir á næstunni frá sér nýtt ilmvatn sem hún hefur verið að undirbúa síðustu tuttugu mánuði. Nafn ilmvatnsins er ekki komið á hreint en líklegast er að það verði einfaldlega Aniston.

„Henni líst best á nafnið Aniston. Með nafninu vill hún fanga hugmyndina um rómantík og frelsi, sama á hvaða aldri maður er. En það er erfitt að ná því með aðeins einu orði,“ sagði heimildarmaður. Með ilmvatninu fetar Aniston í fótspor stjarna á borð við Jennifer Lopez, Victoriu Beckham, Kate Moss og Söruh Jessicu Parker.