Gagnrýnir áform ríkisstjórnarinnar í deilu flugumferðarstjóra

Aðalritari Alþjóðaflutninga- verkamannasambandsins lýsir þungum áhyggjum af áformum ríkisstjórnarinnar um að stöðva fyrirhugað verkfall flugumferðarstjóra með lögum. Hann hefur sent Jóhönnu Sigurðardóttur, forsætisráðherra, bréf í tilefni af deilu Flugstoða og flugumferðarstjóra.

Flugumferðarstjórar hafa boðað fjögurra klukkustunda verkfall í fyrramálið. Fundur Flugstoða og samningamanna flugumferðarstjóra stendur yfir komist deiluaðilar ekki að sameiginlegri niðurstöðu eru taldar líkur á að samgönguráðherra leggi fram frumvarp sem framlengi kjarasamning flugumferðastjóranna fram á haust.

David Cockroft, aðalritari Alþjóðaflutningaverkamannasambandsins (e. International Transport Workers' Federation) bendir að slíkar aðgerðir brjóti gegn ákvæðum samþykkta Alþjóðavinnumálastofnunarinnar um félagafrelsi og rétt til félagsstofnunar og samninga. Ísland hafi að fullgilt þessar samþykktir.

Þá hvetur Cockroft íslensk stjórnvöld til að standa við alþjóðlegar skuldbindingar sínar og leggja til hliðar fyrirætlanir um að afnema með lögum réttindi til verkfalls. Þess í stað eigi stjórnvöld að stuðla að því að skapa sanngjarnt og uppbyggilegt umhverfi samningaviðræðna sem gagnast megi báðum samningsaðilum.