Bílalánskröfu vísað frá dómi

Krafa SP Fjármögnunar á hendur manni sem leigt hafði bíl með samnningi við fyrirtækið var svo illa reifuð og ruglingsleg að sögn Héraðsdóms Reykjavíkur að ekki var um annað að ræða en vísa henni frá. Maðurinn tók á leigu þriggja ára gamlan Porche-jeppa á árinu 2007. Hann greiddi þá 2,4 milljónir og gerði leigusamning við SP um afganginn sem var 8,7 milljónir króna. Vanskil urðu á greiðslum og stefndi SP manninum til að greiða 6,3 milljónir.

Dómarinn sagðist fallast á það með manninum að sundurliðun kröfu væri svo ruglingsleg og óljós að með engu móti væri unnt að reikna út hvernig fjárhæðir í henni væru fundnar út. - gar