Ráðherrar lesa úr Passíusálmunum

Líkt og undanfarin ár lesa alþingismenn og ráðherrar úr Passíusálmunum í Grafarvogskirkju alla virka daga föstunnar. Hver lestur hefst klukkan 18 og tengist stuttri helgistund í kirkjunni, sem tekur um fimmtán mínútur.

Á miðvikudaginn verður fyrsti lesturinn, en þá hefst föstutímabilið í kirkjunni sem er jafnframt undirbúningstími páskanna. Steingrímur J. Sigfússon, fjármálaráðherra, mun lesa fyrsta sálminn. Síðasti lesturinn verður 31. mars, daginn fyrir skírdíg en þá mun Sigmundur Ernir Rúnarsson lesa síðasta sálminn.

„Þessi lestur úr Passíusálmunum er nefndur „Á leiðinni heim". Hugsunin að baki er sú að fólk geti komið við í kirkjunni á leiðinni heim til sín að loknum vinnudegi og hlustað á einn passíusálm og notið andagiftar sr. Hallgríms Péturssonar," segir Bjarni Þór Bjarnason, prestur í Grafarvogsprestakalli, í tilkynningu.