Ákveðið að setja lög á flugumferðarstjóra

Lög verða sett á deilu flugumferðarstjóra við Flugstoðir til að koma í veg fyrir fjögurra stunda verkfallsaðgerðir þeirra í fyrramálið. Ríkisstjórnin kom saman á fundi klukkan sex til að ræða lögin. Eftir að þeim fundi lýkur munu þingflokkar stjórnarflokkanna svo koma saman.

Alþingi verður svo kallað saman klukkan hálfátta í kvöld þar sem lögin verða lögð fyrir með afbrigðum og samþykkt fyrir miðnætti. Verkfallið var áformað klukkan sjö í fyrramálið. Upp úr fundi samninganefnda Félags flugumferðastjóra og SA slitnaði um fimmleytið í dag.