Ekki sektaðir fyrir að rjúfa trúnað í mansalsmálinu

Dómari Héraðsdóms Reykjaness féllst ekki á að sekta Fréttamenn Stöðvar 2, Breka Logason og Andra Ólafsson, fyrir að greina frá því sem gerðist í lokuðum réttarhöldum í mansalsmálinu svokallaða.

Ríkissaksóknari krafðist þess að þeir skyldu greiða réttafarssektir fyrir tvær fréttir sem fluttar voru af réttarhöldunum.

Þeim sem sitja lokuð réttarhöld er ekki heimilt að greina frá því sem gerist í lokuðum réttarhöldunum en aftur á móti voru fréttamennirnir sýknaði á grundvelli þess að þeir meðtóku upplýsingarnar frá óþekktum aðila sem sat réttarhaldið og í kjölfarið greindu þeir frá því.

Í dómsorði segir að lagagrein varðandi þagnarskyldu í lokuðum réttarhöldum nái ekki yfir fréttamennina þar sem þeir sátu ekki réttarhaldið sjálfir.