Bolton Wanderers og Burnley búin að semja um bætur fyrir Coyle

Bolton Wanderers og Burnley sömdu í kvöld um bætur fyrir Owen Coyle verður væntanlega kynntur í kvöld sem nýr stjóri Bolton-liðsins. Barry Kilby, stjórnarformaður Burnley ætlar samt að hitta Coyle í kvöld og reyna að sannfæra hann um að vera áfram hjá Burnley.

Samkvæmt heimildum Sky Sports News mun Burnley fá meira en þrjár milljónir punda í bætur fyrir að missa stjórann sinn sem hefur komið félaginu í hóp þeirra bestu.

Bolton rak á dögunum Gary Megson en liðið er sem stendur í fallsæti í ensku úrvalsdeildinni. Bolton situr í 18. sæti með 17 stig og er fjórum sætum neðar en núverandi lærisveinar Owen Coyle í Burnley.