Þýsk poppstjarnan smitaði mann af HIV-veirunni

Nadja Benaissa söngkona úr þýsku stúlknasveitinni No Angels hlaut í gær tveggja ára skilorðsbundið fangelsi fyrir að smita fyrrverandi kærasta sinn af HIV-veirunni og einnig fyrir að hafa óvarin kynmök við tvo aðra menn en þeir smituðust ekki. Söngkonan viðurkenndi að hafa ekki upplýst mennina um að hún væri HIV-smituð en neitaði hins vegar alfarið að hafa reynt að smita þá viljandi.

Benaissa sem er 28 ára gömul var handtekin um miðjan apríl fyrr á árinu skömmu áður en hún átti að koma fram á tónleikum. Stúlknasveitin No Angels er nokkuð þekkt í Þýskalandi og sló í gegn fyrir tíu árum eftir að stúlkurnar komu fram í þættinum Popstars sem nýtur mikilla vinsælda.