Neytendastofa varar við áratugagömlum leikföngum

Neytendastofu hefur borist tilkynning um upplýsingaherferð sem framleiðandi Fisher-Price leikfanga hefur ákveðið að hrinda af stað. Upplýsingaherferðin varðar leikföngin „Litla fólkið" sem voru framleidd á árunum 1965 til 1991.

Í tilkynningu frá Neytendastofu segir að nýlega hafi látist 10 mánaða stúlkubarn í Kanada af völdum leikfangsins. Framkvæmdastjórn Evrópusambandsins hefur beint því til allrastjórnvalda á Evrópska efnahagssvæðinu sem fara með eftirlit með öryggi vöru að kanna hvort slík leikföng séu enn á markaði.

Tekið er fram að leikföng sem framleidd eru 1991 eða síðar eru stærri og geta ekki fests í koki ungra barna, líkt og getur gerst með eldri leikföng.