Áslaug María komin upp fyrir Jórunni

Jón Hákon Halldórsson skrifar 23. janúar 2010 19:49

Áslaug M. Friðriksdóttir hefur náð sjöunda sæti af Jórunni Frímannsdóttur þegar talin hafa verið 4797 atkvæði af um það bil 7200 í prófkjöri sjálfstæðismanna í Reykjavík fyrir borgarstjórnarkosningarnar.

Röð frambjóðenda er sem hér segir:

1. Hanna Birna Kristjánsdóttir með 4.115 atkvæði í 1. sæti

2. Júlíus Vífill Ingvarsson með 1.342 atkvæði í 1.-2. sæti

3. Kjartan Magnússon með 1.500 atkvæði í 1.-3. sæti

4. Þorbjörg Helga Vigfúsdóttir með 1.786 atkvæði í 1.-4. sæti

5. Gísli Marteinn Baldursson með 1.857 atkvæði í 1.-5. sæti

6. Geir Sveinsson með 2.105 atkvæði í 1.-6. sæti

7. Áslaug María Friðriksdóttir með 2.383 atkvæði í 1.-7. sæti

8. Jórunn Frímannsdóttir með 2.675 atkvæði í 1.-8. sæti

9. Hildur Sverrisdóttir 2.695 atkvæði í 1.-9. sæti

10. Marta Guðjónsdóttir með 2.478 atkvæði í 1.-10. sæti

Tengdar fréttir

Hanna Birna efst - Júlíus Vífill annar

Hanna Birna Kristjánsdóttir er efst í prófkjöri sjálfstæðismanna eftir að fyrstu tölur hafa verið lesnar. Júlíus Vífill Ingvarsson er í öðru sæti, en fast á hæla honum fylgir Kjartan Magnússon.

23. janúar 2010 18:32

Jórunn Frímannsdóttir: Þetta eru klárlega vonbrigði

„Þetta eru klárlega vonbrigði,“ segir Jórunn Frímannsdóttir borgarfulltrúi sem er í áttunda sæti lista sjálfstæðismanna fyrir næstu borgarstjórnarkosningar, ef marka má stöðuna eins og hún er núna.

23. janúar 2010 20:21

Júlíus Vífill: Of snemmt að fagna

„Ég er afskaplega þakklátur fyrir þann stuðning sem fram kemur í þessum fyrstu tölum. Maður vill náttúrlega ekki byrja að fagna neinum niðurstöðum fyrr en þær liggja endanlega fyrir,“ segir Júlíus Vífill Ingvarsson sem er í öðru sæti á lista sjálfstæðismanna eftir að búið er að telja um helming atkvæða.

23. janúar 2010 19:21