Éttu og haltu kjafti

Þar sem Norðmaðurinn Henrik Ulven sat í Ryanair flugvélinni frá Berlín til Rygge í Noregi ákvað hann að gera nú vel við sig.

Á matseðlinum var boðið upp á tvennskonar samlokur. Annarsvegar var venjuleg pökkuð samloka sem kostaði sem svarar 474 íslenskum krónum.

Hann kallaði því á flugfreyjuna og sagðist annaðhvort vilja fá samlokuna endurgreidda eða býtta á henni og súkkulaði-múffu.

Flugfreyjan tilkynnti honum þá að þau myndu kæra hann til lögreglunnar. Henrik hélt að hún væri að grínast.

En þegar lent var í Rygge biðu eftir honum tveir lögreglumenn. Norska Aftenposten segir að þegar Henrik hafi gefið þeim skýringu á því af hverju flugstjórinn hefði óskað aðstoðar þeirra hafi kumrað í þeim. Og Henrik fékk að fara frjáls ferða sinna.

Aftenposten hafði ekki tekist að ná í talsmann Ryanair þegar þessi frétt var skrifuð.