Everton setur háan verðmiða á Rodwell

Enska úrvalsdeildarliðið Everton hefur sagt Manchester United að félagið verði að bjóða þrjátíu milljónir punda í hinn unga og efnilega leikmenn Everton, Jack Rodwell. vilji félagið klófesta hann.

Sir Alex Ferguson, stjóri Manchester United, er yfir sig hrifinn af leikmanninum en Everton-menn er langt því frá tilbúnir að láta strákinn fara fyrir lítið og segjast aðeins geta sleppt honum ef risatilboð berist sem ekki er hægt að neita.

Jack Rodwell, sem er aðeins átján ára gamall er einn af björtustu stjörnum Everton-liðsins og David Moyes, stjóri Everton, vill eðlilega halda leikmanninum sem lengst innan sinna raða.