Óvissa um makrílveiðarnar

Mikil óvissa ríkir nú um tilhögun makrílveiða í sumar, eftir að skötuselslögin svonefndu voru samþykkt á Alþingi. Veiðiheimildum á makríl hefur ekki verið úthlutað á einstök skip, eins á við um aðrar tegundir, heldur hafa öll skip mátt veiða úr einum potti, eða kvóta, þar til hámarkstölunni er náð.

Útvegsmenn, sem fréttastofan hefur rætt við segjast nú allt eins sjá fram á að sjávarútvegsráðherra muni bjóða makrílkvótann til leigu, frá ári til árs, líkt og viðbótina við Skötuselskvótann, enda hafi einstök skip ekki náð að afla sér langrar aflareynslu á makríl, til að byggja kvótaúthlutun á, þar sem hann er alveg nýverið farinn að veiðast við landið.