Tilnefna má í þrjá daga enn

Lesendur Fréttablaðsins hafa verið iðnir við að senda tilnefningar til Samfélagsverðlaunanna. Borist hafa á þriðja hundrað tilnefninga en tilnefningafrestur rennur út á fimmtudaginn næstkomandi, 28. janúar.

Tilnefnt er í fimm flokkum; Hvunndagshetju, Frá kynslóð til kynslóðar, Til atlögu gegn fordómum, Heiðursverðlaunum og svo sjálfum Samfélagsverðlaununum.

Aðgengilegast er að tilnefna á hlekk merktum Samfélagsverðlaununum á vefnum Vísir.is.

Einnig má senda tölvupóst á netfangið samfelagsverdlaun@frettabladid.is eða senda bréf í pósti til Fréttablaðsins, Skaftahlíð 24, 105 Reykjavík, merkt Samfélagsverðlaun.