Söfnuðu 55 þúsund fyrir bágstadda á Haítí

Í vetur hafa yngri börnin í ungmennastarfi Stöðvarfjarðardeildar Rauða kross Íslands safnað peningum fyrir börn á Haiti sem urðu hart úti í jarðskjálftunum þar í vetur.

Til að safna peningum, ráku þau Litlu Rauða kross búðina á Stöðvarfirði í einn dag, seldu lukkumiða og gerðu sitthvað fleira.

Það var svo í dag sem þau skunduðu í bankann með peningna og lögðu þá inn á söfnunarreikning Rauða kross Íslands en svo skemmtilega vildi til að Þóra Björk Nikulásdóttir formaður Stöðvarfjarðardeildar, tók á móti þeim.

Alls söfnuðu þessi duglegu börn, rúmlega fimmtíu og fimm þúsund krónum.