Ekkert lát á heróínstrauminum frá Afganistan

Ekkert lát er á heróínstrauminum frá Afganistan en framleiðsla á því er mun meiri í dag en þegar NATO réðist inn í landið fyrir níu árum siðan.

Sérfræðingar telja að það taki áratugi að koma í veg fyrir þessa framleiðslu. Raunar hefur framleiðslan minnkað um 20% frá árinu 2008 en slíkt kemur ekki við útflutninginn þar sem fíkniefnabarónar í landinu liggja með miklar birgðir af þessu fíkniefni.

Minnkunin á framleiðslu ópíum í Afganistan er tilkomin vegna mikilla verðhækkana á hveiti og hafa margir bændur skipt á ópiumrækt fyrir hveitirækt. Búist er við að þeir fari aftur í gamla farið ef verð á hveiti lækkar að nýju.