Kvarta yfir orðum þingmanns

Stjórnendur sjónvarpsþáttarins Óla á Hrauni á ÍNN, Ólafur Hannesson og Viðar Helgi Guðjohnsen, hafa sent formlega kvörtun til Alþingis vegna ummæla þingmannsins Steinunnar Valdísar Óskarsdóttur í ræðustól. Þeir fara fram á formlega afsökunarbeiðni frá Steinunni.

Steinunn Valdís var gestur í þættinum á dögunum þar sem meðal annars voru rædd málefni samkynhneigðra. Í pontu á þingi gagnrýndi hún svo þáttastjórnendurna fyrir andúð á samkynhneigðum.

Þessum ummælum mótmæla þeir og segja að ekkert hafi komið fram í þættinum sem réttlæti þau. - sh