Innlent

Leitin engan árangur borið - 140 manns leita

Um 140 manns leita nú af Viktori Sigvalda
Um 140 manns leita nú af Viktori Sigvalda

Um 140 björgunarsveitamenn af svæðinu frá Mosfellsbæ að Höfn í Hornafirði leita enn að Viktori Sigvalda Björgvinssyni sem fór frá sumarbústað í Landbroti í nótt. Leitin hefur engan árangur borið. Viktor Sigvaldi, sem er á tvítugsaldri, var við gleðskap í sumarbústað í nótt en fór þaðan á fjórða tímanum og hefur ekkert spurst til hans síðan.

Leitað er með göngufólki, á fjór- og sexhjólum, bílum og með svæðisleitar- og sporhundum.

Viktor er 19 ára ljóshærður 1,75 cm á hæð og grannvaxinn. Hann var klæddur í þverröndótta dökkgráa bómullarskyrtu, dökkbrúnar flauelsbuxur og strigaskó.

Ef einhver hefur orðið var við ferðir Viktors í nótt eða í morgun, eru beðnir um að hafa samband við lögregluna á Hvolsvelli í síma 488-4110.




Tengdar fréttir

Lögregla lýsir eftir Viktori Sigvalda

Lögreglan á Hvolsvelli lýsir eftir Viktori Sigvalda Björgvinssyni. Hann fór frá sumarbústað í Landbroti um þrjú leytið í nótt.

Mest lesið


Fleiri fréttir

Sjá meira


×

Mest lesið