Innlent

Meintum klíkumálum Jóns Ásgeirs vísað til sérstaks saksóknara

Jón Ásgeir Jóhannesson. Málum hans og klíkufélaga, eins og það er orðað í stefnu, hefur verið vísað til sérstaks saksóknara.
Jón Ásgeir Jóhannesson. Málum hans og klíkufélaga, eins og það er orðað í stefnu, hefur verið vísað til sérstaks saksóknara.

Meint brot Jóns Ásgeirs Jóhannessonar, og klíku hans, eins og það er orðað í stefnu slitastjórnar Glitnis, hefur verið tilkynnt til embætti sérstaks saksóknara.

Um er að ræða meint lögbrot en stefnan er gríðarlega harðorð í garð Jóns Ásgeirs, Pálma Haraldssonar, Lárusar Weldings, Þorsteins M. Jónssonar og Ingibjargar Pálmadóttur, eiginkonu Jóns Ásgeirs. Þá hefur PricewaterhouseCoopers einnig verið stefnt.

Slitastjórnin krefst 260 milljarða í skaðabætur fyrir umgengni fimmmenninganna gagnvart bankanum.

Pálmi sendi frá sér yfirlýsingu í morgun sem lögmaðurinn Sigurður G. Guðjónsson ritaði. Þar var því hótað að formanni slitastjórnar Glitnis yrði stefnt persónulega verði stefna gegn Pálma ekki dregin til baka fyrir klukkan hálf þrjú í dag.

Þá sagði Jón Ásgeir í viðtali við Pressuna.is að stefnan væri „slúðurstefna".

Hann sagði, líkt og Pálmi, að formaður slitastjórnar ætti ekki von á góðu:

„Steinunn [Guðbjartsdóttir, formaður slitastjórnar] getur átt yfir höfði sér tíu ára fangelsi fyrir að misnota bandaríska dómstóla með þessum hætti," sagði Jón Ásgeir í viðtali við Pressuna.

Ekki hefur náðst í Jón Ásgeir þrátt fyrir ítrekaðar tilraunir. Þá hefur ekki heldur náðst PricewaterhouseCoopers, sem hefur einnig verið stefnt fyrir að vera meðsekt í málinu.

Ennfremur hefur ekki náðst í Sigurð B. Arnþórsson, starfsmann endurskoðendafyrirtækisins en hann er jafnframt framkvæmdastjóri Félags löggiltra endurskoðenda á Íslandi.


Tengdar fréttir

Glitnir hélt upplýsingum leyndum fyrir FME

Stjórn Glitnis hélt mikilvægum upplýsingum leyndum fyrir Fjármálaeftirlitinu (FME) árið 2007. Um er að ræða upplýsingar um lánveitingar bankans til Jóns Ásgeirs Jóhannessonar og tengdra aðila. Þessi lán voru langt umfram lög og reglur um hve hátt hlutfall þessi lán máttu vera sem hlutfall af eigin fé Glitnis.

Pálmi Haralds: Vanþekking slitastjórnar Glitnis með ólíkindum

„Málssókn þessi er tilhæfulaus með öllu og gerð í þeim augljósa tilgangi að setja stefndu í þá stöðu að geta ekki varið sig," segir athafnamaðurinn Pálmi Haraldsson í yfirlýsingu vegna ákvörðunar slitastjórnar Glitnis að höfða mál á hendur honum og fleiri aðilum fyrir dómstól í Bandaríkjunum. Pálmi segir að málssóknin gegn sér sé augljóslega byggð á misskilningi og vanþekkingu slitastjórnarinnar á því hverjir sátu í stjórn Glitnis. Sú staðreynd eins og sér sé með ólíkindum.

Bandarískir fjárfestar blekktir með sviksamlegum hætti

„Til að fjármagna þessar greiðslur út úr bankanum hafi stefndu mjög stuðst við það fé sem Glitnir aflaði í Bandaríkjunum á árinu 2007, sér í lagi með sölu á skuldabréfum fyrir einn milljarð dala til fjárfesta í New York og víðar í Bandaríkjunum í september það ár. Þegar sú sala stóð yfir voru bandarískir fjárfestar blekktir með sviksamlegum hætti varðandi þá miklu áhættu sem Glitnir hafði tekið gagnvart Jóni Ásgeiri ásamt fyrirtækjum og einstaklingum í tengslum við hann."

Kaupin á TM voru glórulaus fyrir Glitni

Í stefnu slitastjórnar Glitnis fyrir dómstóli í New York er fjallað um leikfléttuna í kringum kaupin á Tryggingamiðstöðinni (TM) en þau kaup eru sögð hafa verið glórulaus fyrir Glitni. Á endanum tapaði bankinn tæplega 26 milljörðum kr. á þessum kaupum.

Formaður FLE: „Ef álitin eru röng þá hafa menn ekki staðið sig vel“

„Ég hef ekki náð að kynna mér þessi mál til þess að átta mig almennilega á því hver eðlileg viðbrögð eru,“ segir Þórir Ólafsson, formaður félags löggiltra endurskoðenda (FLE) spurður hvort stjórnin ætli að bregðast við því að framkvæmdarstjóri félagsins, Sigurður B. Arnþórsson, er sérstaklega nefndur í stefnu skilanefndar Glitnis gegn Jóni Ásgeiri Jóhannessyni og félögum.

Endurskoðendur Glitnis brutu gegn starfsskyldum sínum

PricewaterhouseCoopers (PwC) brutu gegn starfsskyldum sínum í störfum fyrir Glitni seinnihluta ársins 2007 að því er segir í stefnu þeirri sem slitastjórn Glitnis hefur lagt fram fyrir dómstóli í New York og birt er á vefsíðu slitastjórnarinnar.

Mest lesið


Fleiri fréttir

Sjá meira


×

Mest lesið