Rúmar níu milljónir hafa safnast

Rúmar 9 milljónir og 300 þúsund krónur hafa safnast í söfnunarátaki Krabbameinsfélagsins Karlmenn og krabbamein. Mottumars. Átakið hefur vakið mikla athygli og fjöldi karlmanna skartar nú myndarlegum skeggvexti á efri vör og jafnvel meðfram munnvikum niður að höku.

Hundruð einstaklinga og liða hafa formlega skráð sig í mottumarskeppnina. Árlega greinast á Íslandi að meðaltali 716 karlar með krabbamein. Árlega deyja að meðaltali 278. Rannsóknir sýna að koma má í veg fyrir að minnsta kosti 1 af hverjum 3 krabbameinum.

Féð sem safnast í átakinu verður notað í rannsóknir, forvarnir, stuðning og ýmis önnur verkefni sem tengjast baráttunni við krabbamein í karlmönnum.

Hér má kynna sér málið nánar.