Íslensk kona tekin í Perú með fíkniefni

Íslensk kona er í haldi í Perú grunuð um fíkniefnasmygl. Samkvæmt upplýsingum úr utanríkisráðuneytinu var konan handtekin um síðustu helgi. Ráðuneytið hefur verið í sambandi við fjölskyldu konunnar og ræðismann Íslands í Lima, höfuðborg Perú, en konan var handtekin þar.

Unnið er að því að fá lögfræðing fyrir konuna auk þess sem kannað er hvort aðstæður í fangelsi hennar séu viðunandi.

Á fréttavefnum dv.is segir að um fimm barna móður að ræða sem sé 38 ára gömul.

Ráðuneytið hefur ekki upplýsingar um hve mikið magn fíkniefna konan var með í fórum sínum.